Kanye ngaphantsi kweenyanga ezintathu ephumelele intshinga yoMzantsi Afrika kudidi losiba kwicandelo labasetyhini, uNtombokuqala Tolashe, ozinze eKapa, uzakusingisa kwiKorea Republic apho azakulwa khona noBo Mi Re Shin kulenyanga ezayo.
UTolashe, oneminyaka emgamashumi amabini anesibhozo nobethe uMatshidiso Moketsane eKapa ekuzeni kuphela kuka-Agasti, uzakuvana amandla noShin eSeoul ngoMgqibelo umhla wesixhenxe kuDisemba.
UShin wakhe waba yintshatsheli yeWorld Boxing Council (WBC) International neWorld Boxing Organisation (WBO) Asia-Pacific kudidi lwejunior-lightweight.
UShin, oneminyaka engamashumi amathathu, wanqumamisa u-Ana Maria Lozano waseVenezuela kumjikelo wesixhenxe eBukgu Gymnasium, eGwangju City, eKorea Republic kwiinyanga ezintathu ezigqithileyo.
Ephumelele imilo elishumi elinesixhenxe waze wanqumamisa oosisi abalishumi, ebethwe kabini, waphinda walwa ngokulingana kathathu, uShin unamava xa umthelekisa noTolashe, ophumelele kwimilo esixhenxe, enqumamise usisi omnye, waze wabethwa izihlandlo ezine.
