UKhanyisani Mbokazi waseMandeni, KwaZulu-Natal, uzakulwa no-Asanda Gingqi kumlo wentshinga yoMzantsi Afrika eMonti kulenyanga ezayo.
UMbokazi uzakube elinga ekohlutha intshinga yoMzantsi Afrika kudidi lwejunior-lightweight xa esilwa nenjinga uGingqi e-Orient Theatre ngoMgqibelo umhla weshumi elinesine kuDisemba. Ekuqaleni, lo mlo wawubekelwe iCawa yomhla wamashumi amabini anesine kuNovemba.
Ebekwa kwindawo yesithandathu kuluhlu lweembethi-manqindi kwaBoxing South Africa (BSA), uMbokazi, oyintshatsheli yaKwaZulu-Natal, ubethe uTholumusa Ngema kwiholo yedolophu yase-Estcourt ngoMatshi kulonyaka.
UMbokazi uphumelele imilo emihlanu, wabethwa kwemihlanu, waze walwa ngokulingana komnye. Ukanti, uGingqi uphumelele kwimilo elishumi elinesithathu, enqumamise amadoda asibhozo, wabethwa kumlo omnye.
Kusenjalo, uGingqi, oyinzalelwane yaseMdantsane, uzakube ekhusela intshinga yakhe isihlandlo sesibini. Wayiphumelela lentshinga ngethuba wayebetha uSifiso Hlongwane e-Orlando East, eSoweto, ngo-Agasti kulonyaka ophelileyo.
UGingqi wayikhusela ngempumelelo intshinga yakho ngethuba ebetha uThembani Mbangatha e-International Convention Centre (ICC), eMonti, nyakenye. UGingqi ubethe uJufel Salina wasePhilippines kumlo wakhe wokugqibela owawubanjelwe e-Orient Theatre ngoJuni kulonyaka.
