Umqeqeshi uHugo Broos usifezekisile isithembiso sakhe sokusa iBafana Bafana kwiNdebe yeHlabathi ka-2026 emva kokuquthisa iRwanda ngamanqaku amathathu eqandeni eMbombela Stadium, eNaspoti, ngokuhlwa kwangoLwesibini.
IBafana ibonakalise iinjongo zokunxanelwa impumelelo njengokuba ifake inqaku lokuqala ngequza likaThalente Mbatha kwibhola ebisuka ku-Oswin Appollis ngomzuzu wesithandathu umdlalo uqalile.
IBafana ifake inqaku lesibini ngequza lika-Appollis emva kwebhola ebisuka ku-Evidence Makgopa ngomzuzu wamashumi amabini anesihlanu.
U-Appollis uphinde esezolo wanika uMakgopa ibhola ukuze afake inqaku lesithathu ngomzuzu wamashumi asixhenxe ananye esisa iBafana kwiNdebe yeHlabathi okokuqala ukususela ngo-2010.
