IBafana Bafana izakudlala neqela lesizwe laseMexico kumdlalo wokuvula weNdebe yeHlabathi ka-2026 e-Azteca Stadium, eMexico City, ngoLwesine umhla weshumi elinanye kuJuni.
Izakube iyiminyaka elishumi elinesithandathu kanye ukususela mhla iBafana yaqubisana neMexico kumdlalo wokuvula iNdebe yeHlabathi yango-2010 eFNB Stadium, eNasrec, eRhawutini.
Emva kweveki, amakhwenkwe omqeqeshi uHugo Broos azakudlala neqela eliphumeleleyo kwimidlalo yaseYurophu eMercedes Benz Stadium, e-Atlanta, kwelaseMelika. Ukanti loomaqela aquka iCzech Republic, iRiphablikhi yase-Ireland, iDenmark neNorth Macedonia.
IBafana izakuqumbela inkqubo yemidlalo kaGroup A ngomdlalo neKorea Republic eBBVA Stadium, eGuadalupe, kwelaseMexico, ngoLwesithathu umhla wamashumi amabini anesine kuJuni.
