UQuwan Plaatjies uzenzele igama eqala ngqa ukudlala kudidi lwabahlawulwayo njengokuba efake amanqaku amathathu ngethuba iStellenbosch FC itywatyusha iMarumo Gallants ngamanqaku amathathu kwelinye kumdlalo weBetway Premiership e-Athlone Stadium, eKapa, ngokuhlwa kwangoLwesihlanu.
UPlaatjies ufake inqaku lakhe lokuqala ngomzuzu weshumi elinesithathu emva kokufumana ibhola ebivela kuTlakusani Mthethwa. Kwimizuzu elishumi elinesihlanu emva koko, uPlaatjies ufake inqaku lakhe lesibini kwibhola ebisuka kuRaoul Daniels.
Elityendyana, elineminyaka engamashumi amabini, lifake inqaku lesithathu kwimizuzu elithoba siqalile isiqingatha sesibini.
Kusenjalo, iGallants ifake inqaku lentuthuzelo ngequza likaThapelo Dhludhlu kwimizuzu esibhozo ngaphambi kokuphela komdlalo.
