AmaZulu afake engxoweni onke amanqaku ngethuba ebetha iRichards Bay FC ngamabini kwelinye kumdlalo weBetway Premiership ePrincess Magogo Stadium, KwaMashu, eThekwini, ngokuhlwa kwangoLwesihlanu.
Emva kokuba isiqingatha sokuqala siphele ngeqanda macala omabini, Usuthu luye lwaphala phambili ngenqaku elifakwe yifolosi ephume izandla neyinzalelwane yaseZimbabwe, uThandolwenkosi Ngwenya, kwimizuzu esixhenxe siqalile isiqingatha sesibini.
Ukanti, emva kokungena ziphuma kumhlaba woSuthu, iiNatal Rich Boyz zifake inqaku lokulinganisa ngequza likaMoses Mthembu ngomzuzu wamashumi asibhozo ananye.
Usuthu luphendule ngokukhawuleza, lufaka inqaku lesibini umzuzu nje iiNatal Rich Boyz zifake elokulinganisa. UNkosikhona Radebe ufake inqaku lesibini kwibhola ebisuka ku-Athini Maqokolo.
Lempumelelo ibangele ukuba AmaZulu anyuke ayokuthi finini kwindawo yesithathu kumanqwanqwa eBetway Premiership.
