Emva kokukhokela iBafana Bafana ibambana ngamanqaku amathathu macala ne-Algeria e-Algiers ngenj’ixukuxa ngoLwesithathu, ngelingeni umqeqeshi uHugo Broos uphefumlile ngomdla weTunisia kuye.
Lommi waseBelgium, oneminyaka engamashumi asixhenxe ananye, uthi akakhange abenonxibelelwano neTunisian Football Federation malunga nesikhundla sokuqeqesha iiCarthage Eagles.
“Akukho nxibelelwano phakathi kwam neTunisian Federation. Ndiyakholelwa ukuba ngokwamajelo eendaba aseTunisia ndingumgqatswa. Ukuba ndiyawufulathela uMzantsi Afrika, umbutho olawula ibhola ekhatywayo nguwo oyakuthabatha esosigqibo. Ngokukokwam, ngamarhe nje lawo. Ndizakube ndikwiBafana Bafana ngoJuni,” utshilo uBroos.
Lomqeqeshi wamhlamnene kwii-Indomitable Lions uyicacisile into yokokuba uzakukhokela iBafana kwimidlalo yemfezeko yeNdebe yeHlabathi yango-2026 abazakuyidlala neNigeria neZimbabwe ngoJuni.
