ISekhukhune United iphumelele umdlalo wesihlanu ngokulandelelana emva kokubetha i-Orlando Pirates 2-1 kumdlalo weDStv Premiership ePeter Mokaba Stadium, ePolokwane, ngokuhlwa kwangoMgqibelo.
IBabina Noko ivule amasango ngenqaku ngomzuzu wamashumi amathathu anesibini lifakwa nguVusumuzi Mncube emva kokufumana ibhola ibisuka kuLinda Mntambo.
Kwimizuzu emithandathu siqalile isiqingatha sesibini, iBabina Noko ifake inqaku lesibini ngequza likaMntambo emva kokufumana ibhola ebisuka ku-Elias Mokwana.
UTshegofatso Mabasa ufake inqaku leeBuccaneers ngomzuzu wamashumi amahlanu anesithandathu.
Kusenjalo, iTS Galaxy itywatyushe AmaZulu ngamanqaku amabini eqandeni, manqaku lawo afakwe nguThato Khiba noSamir Nurkovic eMbombela Stadium, eNaspoti.
