IChippa United izakudlala neKaizer Chiefs iqhwalela kancinane njengokuba engazokubakho unozinti wayo uStanley Nwabali xa kudlwala umdlalo weDStv Premiership eBuffalo City Stadium, eMonti, ngoMgqibelo.
Lomdlali weqela lesizwe laseNigeria uqokelele ikhadi lakhe lesine ngethuba iiChilli Boys ziquthisa iCape Town Spurs ngamanqaku amabini eqandeni eNelson Mandela Bay Stadium, eGqeberha, ngoLwesithathu.
“Linxeba into yokuphulukana nomdlali ofana naye. Kodwa ke lonto inika ithuba kwabanye oonozinti abakhoyo apha. Sizakubanika ithuba lokuzibonakalisa. Ndiqinisekile udanile naye,” utshilo umqeqeshi obambe ilima kwiiChilli Boys uThabo September.
IiChilli Boys, ezizinze eGqeberha, zizakudlala neChiefs ekhangela impumelelo nasebumnyameni emva kokufaka engxoweni inqaku elinye qha kwimidlalo yayo emibini yokugqibela.
Amakhosi abambene ngeqanda macala neCape Town City eKapa kuloMgqibelo ogqithileyo, aze abethwa ngenqaku elinye eqandeni yiStellenbosch FC ngoLwesibini.
