IChippa United izuze impumelelo yayo yokuqala eLucas Moripe Stadium, e-Atteridgeville, emva kokubetha iSuperSport United ngamanqaku amabini eqandeni kumdlalo weDStv Premiership ngokuhlwa kwangoMgqibelo.
IiChilli Boys, ezingenileyo kumaqela asibhozo aphezulu kumanqwanqwa ePremiership, bezinkqenkqeza phambili ngenqaku elinye eqandeni ngethuba lokuhlaba ikhefu. Inqaku elo lifakwe nguSinoxolo Kwayiba ngomzuzu wamashumi amathathu anesithathu.
Inzalelwane yaseCameroon uBievenu Eva Nga ufake inqaku lesibini leeChilli Boys kwimizuzu elishumi ngaphambi kokuphela komdlalo.
IiChilli Boys, ezizinze eGqeberha, ngoku sele ziphumelele imidlalo emithathu ilandelelana, zafaka amanqaku amathandathu.
