Yimvula yokuphulukana nemidlalo kwiKaizer Chiefs njengokuba ibethwe ngenqaku elinye eqandeni yiRichards Bay FC kumdlalo weDStv Premiership eKing Zwelithini Stadium, eMlazi, eThekwini, emva kwemini ngeCawa.
Ukapteni weNatal Rich Boyz uSimphiwe Mcineka ufake inqaku lakhe ngethuba ebetha ibhola ngentloko yadlula kunozinti weChiefs uBruce Bvuma ngomzuzu wamashumi amathandathu anesine.
Ukanti, iPolokwane City neCape Town City zibambene ngamanqaku amabini macala e-Old Peter Mokaba Stadium, ePolokwane.
Amanqaku eRise and Shine afakwe nguMokibelo Ramabu noGiven Mashikinya, logama uThabiso Kutumela noKhanyisa Mayo befake aweeCitizens.
