IMamelodi Sundowns iyasondela ekuyikhuseleni ngempumelelo intshinga yayo yeDStv Premiership emva kokubetha iSekhukhune United ngamanqaku amabini kwelinye eLoftus Versfeld, ePitoli, ngokuhlwa kwangoLwesibini.
IiBrazilians ziwafake omabini amanqaku kwimizuzu esibhozo yokuqala yomdlalo. Umdlalo ubunemizuzu emibini kuphela ngethuba uTasreeq Matthews efaka inqaku lokuqala leeBrazilians.
Kwimizuzu emihlanu elandelayo, iintshatsheli zeDStv Premiership zongeze amanqaku ngenqaku likaThapelo Morena.
IBabina Noko ibuye ngamandla ekuqaleni kwesiqingatha sesibini yaze yafumana inqaku ngequza lenzalelwane yaseNigeria uChibuike Ohizu, ofake ibhola isuka echaphazeni ngomzuzu wamashumi amahlanu.
