UMasibulele ‘Hawk’ Makepula ulilungu elitsha lekomiti evuma nekhaba imilo kwaBoxing South Africa (BSA) njengokuba ukongezelelwa kwakhe kuye kwagximfizwa istampu kucweyo olubanjelwe eMuldersdrift.
UMakepula, owayeyintshatsheli ye-International Boxing Organisation (IBO) kudidi lwempukane, kwiWorld Boxing Organisation (WBO) nakwiWorld Boxing Union (WBU) kudidi lwejunior-flyweight, uavdle isikhewu esavuleka emva kokuhamba kukaSiya Vabaza-Booi.
Kungoku nje uVabaza-Booi ungumlawuli wephondo kaBSA eMpuma Koloni emva kokungena kwisikhundla ebesibanjwe nguPhakamile Jacobs.
Lekomiti evuma nekhaba imilo inosihlalo okwalilungu lebhodi uGqirha Luvuyo Bayeni, osebenza nentshatsheli yamhlamnene kudidi lwelightweight eMzantsi Afrika u-Irvin Buhlalu, uTinyiko Nkatingi, owayengumlawuli kaBSA eLimpopo, kunye nentatheli uDroeks Malan.
Ukanti, ikomiti eyenza nemisa iimbethi-manqindi ngokoluhlu lwazo ikhokelwa ngu-Andre de Vries, osebenza nowayeyintshatsheli ye-IBO kudidi lwentambanani uSilence Mabuza, injinga yamhlamnene eMzantsi Afrika kudidi lwejunior-welterweight uNika Kumalo kunye noXolile Dike.
Kusenjalo, inkqubo ebizwa Back to Basics, enjongo yayo ikukuvuselela amanqindi izakukhokelwa nguLoyiso Mtya, owayesakuba ligosa lezemisebenzi kwaBSA.
UMtya akakho mtsha kulenkqubo njengokuba ebekhe wayinxalenye yayo inguye noStan Christodoulou kunye noKhulile Radu.
Makusetyenzwe ppl, kudala lijongeleke phantsi elicandeleo lezamanqindi.