Emva kokukhululwa yi-Orlando Pirates kutsha nje, umdlali wasesiswini, uSipho Mbule, ubhengezwe njengomdlali omtsha weZakho SC yase-Iraq.
Eliqela lase-Iraq libhengeze ngokuhlwa kwangoMgqibelo ukuba lityikitye lomdlali wasesiswini nowayedlalela iPirates, iSekhukhune United, iMamelodi Sundowns neSuperSport United.
UMbule, oneminyaka engamashumi amabini anesibhozo nowazalelwa eBethlehem kwiphondo laseFreystata, uzibandakanye neliqela lase-Iraq emva kokudlala isizini enye kwiiBuccaneers.
