Emva kokungalwi kwisithuba esiphantse sayiminyaka emithathu, u-Athi Mahanjana ubuyele kumanqindi akudidi lwabahlawulwayo, kwaye uzibandakanye no-Andile Mshumpela weMshu One Management.
UMahanjana sele eqalisile ukukuqeqeshwa eLuvuyo Boxing Club, eMdantsane, ngaphantsi kukaLuvuyo Tyamzashe noMzolisi Yoyo, owayeyinjinga yoMzantsi kudidi lwewelterweight. UMahanjana wagqibela ukulwa ngethuba wayebetha uSibonelo Nzimande ngoDisemba ka-2023.
“U-Athi uzibandakanye neMshu One Management, kwaye sele eqalile ukuqeqeshwa eTyamzashe Gym. Sizakumnika umlo ngoDisemba. USiphosethu Mvula no-Enathi Stelle bazakulwa kulootumente leyo,” utshilo uMshumpela.
Kwimilo elithoba kaMahanjana, esixhenxe yaphela phakathi njengokuba ephumelele imilo esixhenxe, wanqumamisa amadoda amathandathu, waze wabethwa kwemibini. – Monwabisi Jimlongo
