ISiwelele FC sibhengezile kusasa ngoMvulo ukuba simgxothile umqeqeshi waso, uLehlohonolo Seema, nesekela lakhe, uWillem Jackson, kusadlalwe nje imidlalo emihlanu kulesizini ka-2026/27.
USeema, owayengukapteni weqela lesizwe laseLesotho, ukhokelele iSiwelele kwimidlalo emibini ngokulingana nemithathu apho labethwa khona eliqela. Ukubethwa kweSiwelele yiKaizer Chiefs ngeCawa kuko okumgxothisileyo uSeema.
Usihlalo weSiwelele, uCalvin le John, ukwabhengeze ukuba uGodfrey Mosoetsa nguye ozakuqeqesha eliqela okwethutyana.
Kusenjalo, uSeema ungumqeqeshi wesibini ukugxothwa kulesizini njengokuba iSekhukhune United sigxothe ummi waseBurundi, uCedric Kaze, kuleveki ephelileyo.
