Iqela laseMpuma Koloni iHighbury FC ziintshatsheli ze-2023/24 ABC Motsepe League national play-offs emva kokubetha iKruger United yaseMpumalanga ngamanqaku amabini eqandeni eMxolisi Dicky Jacobs Stadium e-Upington, eMntla Koloni, emva kwemini ngeCawa.
IHighbury yaseGelvandale, eGqeberha, iphumelele lomdlalo ngamanqaku afakwe nguMzoxolo Rafani, ofake inqaku elinye kwisiqingatha ngasinye.
Omabini lamaqela, iHighbury neKruger United, aye kulomdlalo wangeCawa sele enyukele ngentla esiya kwiMotsepe Foundation Championship (MFC).
