Bazakuncuma bodwa abaphumelele indebe yeMTN8 njengokuba bezakugoduka nezigidi ezilishumi, imali enyuke ngezigidi ezimbini ukusuka kwezisibhozo.
Kuphinde kwabhengezwa ngoLwesithathu ukuba amanye amaqela asixhenxe azakuzuza isigidi, iqela ngalinye. Lemali isuka kumawaka angamakhulu asibhozo.
Ukanti, olukhuphiswano lweMTN8 luyaqala kulempelaveki esiya kuyo njengokuba i-Orlando Pirates isamkela iSuperSport United e-Orlando Stadium, eSoweto, ngentsimbi yesithandathu ngokuhlwa kwangoMgqibelo.
IStellenbosch FC sizakudlala neTS Galaxy komnye umdlalo wamaqela asibhozo kwiMTN8 eDanie Craven Stadium, eCape Winelands, ngentsimbi yesithathu ngeCawa.
