Ummi woMzantsi Afrika obenempumelelo enkulu kwimidlalo yee-Olimpiki uTatjana Smith wothuse umzi ngokuhlwa kwangoLwesine ngethuba ebhengeza ukuba uthabatha umhlala-phantsi njengendadi.
Esisibhengezo esothusayo size emva kokuba uSmith ephumelele imbasa yesilivere kwi-200metre breaststroke elandela emva koKate Douglass waseMelika kwimidlalo yee-Olimpiki eParis kwelaseFransi ngokuhlwa kwangoLwesine.
USmith, oneminyaka engamashumi amabini anesixhenxe, uphumelele imbasa yegolide kwi-100m breaststroke ngokuhlwa kwangoMvulo. Ngoku uthabatha umhlala-phantsi emva kokuphumelela iimbasa ezimbini zegolide nezimbini zesilivere eTokyo kwelaseJapan naseParis.
