IChippa United ibhengezile emva kwemini ngoLwesithathu ukuba iBuffalo City Stadium, eMonti, sele iphinde yalungela ukuba kudlalwe kuyo imidlalo yodidi lwabahlawulwayo.
IiChilli Boys zayeka ukudlala eBuffalo City Stadium emva kokonakala kwebala, elafuna ukuba lisetyenzwe kwakhona ukuze libe kwimeko elungileyo.
Ngoku iiChilli Boys sele zicwangcise umdlalo wazo wokuqala phaya noomafikizolo kwiPremiership iMagesi FC ngoMgqibelo umhla wamashumi amathathu kuNovemba. Lo mdlalo uzakulandelwa ngomnye ozakudlalwa neCape Town City ngoMgqibelo umhla weshumi elinesine kuDisemba.
