IKaizer Chiefs, egqibe umdlalo sele idlala ngamadoda alishumi, ibethe iRichards Bay FC ngamanqaku amabini kwelinye kumdlalo weBetway Premiership ePeter Mokaba Stadium, ePolokwane, ngokuhlwa kwangoLwesithathu.
Amakhosi ebephala phambili ekupheleni kwesiqingatha sokuqala ngenqaku elifakwe nguWandile Duba ngomzuzu wamashumi amabini ananye.
IChiefs idlale ngabadlali abalishumi phantse isiqingatha sesibini sonke emva kokuba uReeve Frosler ekhutshwe ngekhadi elibomvu ngomzuzu wamashumi amane anesibhozo.
Esadlala eshota ngendoda enye, Amakhosi aphinde afaka inqaku elize no-Ashley du Preez ngomzuzu wamashumi amathandathu anesibhozo.
Umdlali weNatal Rich Boyz uYanela Mbuthuma ufake inqaku lokubika ekhaya kwixesha elongezelelwe ngusompempe.
Kusenjalo, iCape Town City ibethe iPolokwane City, ekwindawo yesithathu, ngenqaku elize nokapteni wayo uThamsanqa Mkhize e-Athlone Stadium.
