Ushiyeke engasenamsebenzi uBrandon Truter emva kokugxothwa kwakhe liqela laKwaZulu-Natal iRichards Bay FC kulandela ukubethwa kweliqela yiKaizer Chiefs ngoLwesithathu.
URonnie Gabriel noSboniso Gumede, ababengabancedisi bakaTruter, bazakukhokela iiNatal Rich Boyz xa zidlala nAmaZulu kulempelaveki.
Sisihlandlo sesibini iiNatal Rich Boyz zisenza utshintsho kwigqiza labaqeqeshi kwisithuba esingaphantsi kweenyanga ezintandathu. Eli qela lohlukana noVusumuzi Vilakazi kanye ngaphambi kokuqala kwalesizini.
IiNatal Rich Boyz zikwindawo yeshumi elinesine kumanqwanqwa ePremiership emva kokuphumelela umdlalo omnye, zadlala ngokulingana kwemibini, zaze zabethwa kwemihlanu.
