IPakistan iluphumelele uthotho lwemidlalo yosuku olunye emva kokubetha iiProteas ngemitsi engamashumi asibhozo ananye eNewlands, eKapa, ngokuhlwa kwangoLwesine.
Lomdlalo ulandela emva kokuba iPakistan ibibethe iiProteas ngoothinti abathathu eBoland Park, ePere, ngokuhlwa kwangoLwesibini.
Kumdlalo wangoLwesine, iPakistan ibethe imitsi engamakhulu amathathu anamashumi amathathu anethoba kwii-overs ezingamashumi amane anethoba neebhola ezintlanu kumangeno ayo. Ukanti, iiProteas ziphendule ngemitsi engamakhulu amabini anamashumi amane anesibhozo kwii-overs ezingamashumi amane anesithathu nebhola enye.
UHeinrich Klaasen ebetshatshele ngomngcunube njengokuba ebethe imitsi engamashumi alithoba anesixhenxe ejamelene neebhola ezingamashumi asixhenxe anesine. UKlaasen ubethe amanqin’enkomo asibhozo kunye neengcwele ezine.
Ukanti, uKwena Maphaka uthabathe oothinti abane kubethwe imitsi engamashumi asixhenxe anesibini kwii-overs ezilishumi.
