Imbethi-manqindi yasetyhini nezinze eGqeberha u-Owethu Rula uzakulwa noMphatso Metaudzu waseMalawi ekuthambekeni kwenyanga ezayo.
Umlo kaRula nalommi waseMalawi uzakwenziwa yi-Aphile Promotions eGeorge Botha Community Sports Centre KwaNoxolo, eGqeberha, ngoMgqibelo umhla wamashumi amabini anesithathu.
URula, obekwa kwindawo yokuqala kuluhlu lweembethi-manqindi ezikudidi lwempukane eMzantsi Afrika, ubethe uZizo Skoti eNangoza Jebe Hall, eNew Brighton, eGqeberha, kumlo wakhe wokugqibela ngoMatshi.
Ukanti, awa phantsi izihlandlo ezimbini amalinge akhe okuphumelela intshinga yoMzantsi Afrika kwicandelo labasetyhini kudidi lwejunior-flyweight ngethuba ebethwa yintshatsheli uNozwelethu Mathontsi kuyo yomibini loomilo.
Lentshatsheli yaseMpuma Koloni izakuya kumlo wayo olandelayo emva kokuphumelela imilo emithandathu, inqumamise usisi omnye, yabethwa kwimilo emihlanu, ngelilixa uMetaudzu ephumelele umlo omnye, waquthiswa kwemihlanu.
