IBanyana Banyana ibethe i-Algeria ngenqaku elinye eqandeni kumdlalo wokuqala wobuhlobo ePrincess Magogo Stadium, KwaMashu, eThekwini, emva kwemini ngoLwesibini.
IBanyana iphumelele lomdlalo ngenqaku elingene ngomzuzu wamashumi amathathu anesithandathu lifakwa yifolosi yeMamelodi Sundowns Ladies uNthabiseng Majiya.
Lamaqela mabini azakuphinda anyathelane xa equbisana kumdlalo wesibini wobuhlobo eKing Zwelithini Stadium, eMlazi, eThekwini ngolwesiHlanu emva kwemini.
