IStellenbosch FC sibambene ngenqaku macala omabini neMamelodi Sundowns kumdlalo weBetway Premiership eLoftus Versfeld, ePitoli, ngokuhlwa kwangoLwesithathu.
Izangxa zaseTshwane beziphala phambili ekupheleni kwesiqingatha sokuqala ngenqaku elifakwe nguKatlego Ntsabeleng kwibhola ebisuka ku-Arthur Sales ngomzuzu wamashumi amabini anesixhenxe.
ISundowns inkqenkqeze phambili isithuba esingange yure ngaphambi kokuba iStellies sifake inqaku lokulinganisa ngomzuzu wamashumi asibhozo anesihlanu lisuka kwiquza likaTshegofatso Mabasa emva kokuba uKhulumani Ndamane edlale uChumani Butsaka kakubi ebhokisini.
