Ikhankatha le-Orlando Pirates, u-Abdeslam Ouaddou, ubhengezwe ngoLwesibini njengophumelele iwonga lokuba ngumqeqeshi wenyanga ka-Agasti.
Lommi waseMorocco uphumelele eliwonga emva kokukhokelela iiBuccaneers kwimpumelelo kwimidlalo emithathu, waze wadlala ngokulingana komnye. Ezizangxa zaseSoweto zifake amanqaku asibhozo, kwafakwa inqaku elinye kuzo.
Ukanti, emva kokufaka amanqaku amahlanu kwimidlalo emine, ifolosi yAmaZulu, uThandolwenkosi Ngwenya, uphumelele iwonga lokuba ngumdlali wenyanga, logama inqaku likaBrayan León weMamelodi Sundowns ligoduke newonga lenqaku lenyanga, nqaku elo awalifaka bedlala nAmaZulu.
ULeón waseColombia uphumelele eliwonga ebetha ugxa wakhe kwiSundowns, uTeboho Mokoena, nomdlali weSiwelele FC, uVincent Pule. Okunikisa umdla kukuba uMokoena wafaka elinqaku bedlala nAmaZulu, logama elikaPule leza kumdlalo ne-TS Galaxy.
