IMamelodi Sundowns idlale kakuhle kakhulu kwisiqingatha sesibini njengokuba ingcwabe iSiwelele FC ngamanqaku amathathu eqandeni kumdlalo weBetway Premiership eLoftus Versfeld, ePitoli, ngokuhlwa kwangoLwesithathu.
Emva kokuba isiqingatha sokuqala siphele kungekho manqaku, iiBrazilians ziphale phambili ngethuba uKutlwano Letlhaku engcangcazelisa umnatha kwimizuzu elishumi elinesithathu siqalile isiqingatha sesibini.
Impazamo eyenziwe ngu-Aphiwe Baliti ikhokelele ekubeni izangxa zaseTshwane zifake inqaku lesibini ngequza likaSiyanda Ndlovu kumzuzu wamashumi asixhenxe anethoba. UTashreeq Matthews ubethelele isikhonkwane sokugqibela kumkhumbi weSiwelele ngethuba efaka inqaku lesithathu kwixesha elongezwe ngusompempe.
