IChippa United ingenile kumjikelo olandelayo weNedbank Cup emva kokubetha iFC Ravens ngamanqaku amabini kwelinye eBuffalo City Stadium, eMonti, emva kwemini ngoMgqibelo.
IiRavens ziphale phambili ngomzuzu wesine ngethuba uSamkelo Ngcungama ebetha unozinti weeChilli Boys, uStanley Nwabali, kwicala lasekunene.
Liye lancitshiswa inani labadlali beeChilli Boys emva kokuba umdlali waseNamibia u-Elmo Kambindu efumene ikhadi elibomvu ngethuba edlale kakubi u-Avela Cezu ngomzuzu wamashumi amahlanu anethoba.
Ngokungengathi abakho lishumi, abadlali beeChilli Boys baqhubele phambili nokuhlasela waze uThabo Makhele wafaka inqaku lokulinganisa kwimizuzu elishumi ngaphambi kokuphela komdlalo.
Inqaku lempumelelo leeChilli Boyz, ezizinze eGqeberha, lifakwe lilalela u-Andile Mbenyane ngomzuzu wekhulu elinemizuzu esibhozo.
