Nangona iChippa United ikwazile ukudlulela kumjikelo olandelayo weNedbank Cup, omnye wabaqeqeshi bayo, uThabo September, uvumile ukuba bebekhe banexhala ngethuba iFC Ravens ihamba phambili kumdlalo wabo ngoMgqibelo.
IiChilli Boys zize ngemva, zabetha eliqela elidlala kwi-ABC Motsepe League eMpuma Koloni ngamanqaku amabini kwelinye eBuffalo City Stadium, eMonti. USamkelo Ngcungama ufake inqaku leRavens, logama uThabo Makhele no-Andile Mbenyane befake amanqaku eeChilli Boys.
“Besinemizuzu engaphaya kwamashumi asibhozo, siye sakholelwa ukuba sizakulifaka inqaku. Kodwa siqale sanexhala njengokuba umdlalo ubuqhubela phambili. Siye sanexhala, ingakumbi ngelaxesha besingalifumani inqaku. Kodwa besiwadala amathuba,” utshilo uSeptember.
Lomdlali wamhlamnene kwiSuperSport United wongeze ngelithi: “Ndicinga ukuba ibiyinkwa nenkwa. Besikulindele ke oko kubo. Ndicinga ukuba sidlale kakuhle, ingakumbi kwisiqingatha sesibini ngethuba sidlala ngamadoda alishumi. Sibonakalise ukukhula kwindlela esidlale ngayo.”
