Iqela laseThekwini, AmaZulu, azakunyathelana neentshatsheli ezikhuselayo i-Orlando Pirates kumjikelo wesithathu weNedbank Cup.
Lomdlalo wAmaZulu neeBuccaneers uqinisekiswe ngethuba lamaqela asibhozo ebethelekiswa eRandburg, kumantla eRhawuti, ngoMvulo ngokuhlwa.
IMamelodi Sundowns izakwenza uhambo olufutshane iyokudlala neqela elikwiMotsepe Foundation Championship (MFC), i-University of Pretoria, kwidabi lobukhaya laseTshwane.
ITS Galaxy, eyaphumelela lendebe ngo-2018/19, izakwamkela iChippa United, logama iStellenbosch FC izakudlala neSuperSport United, eyaphumelela lendebe izihlandlo ezintathu.
