Umdlali wasesiswini kwi-Orlando Pirates, uMakhehleni Makhaula, uzakubuyela ekuziqeqesheni nabalingane bakhe ngoLwesithathu.
Oku kuvakaliswe yiPirates emva kokuba uMakhaula wothuse abantu abaninzi ngethuba esiwa isiduli ekuzeni kuphela kwesiqingatha sokuqala somdlalo weNedbank Cup phakathi kweeBuccaneers neHungry Lions e-Orlando Stadium, eSoweto, ngokuhlwa kwangoMgqibelo.
Lomdlali oneminyaka engamashumi amathathu anesine wakhutshelwa ngaphandle ebaleni ethwele ngaphambi kokuphela kwesiqingatha sokuqala ngoMgqibelo emva kokukhalaza ngeentlungu esifubeni nokungakwazi ukuphefumla kakuhle. Lomdlali sele ekhululiwe esibhedlele emva kokuhlolwa yingcali yezempilo eMilpark.
