Indima kaSteve Komphela, oqeqesha iLamontville Golden Arrows, iyabonakala njengokuba Abafana Bes’thende bebethe iRichards Bay FC ngamanqaku amabini kwelinye kumdlalo weDStv Premiership eMpumalanga Stadium, eHammersdale, emva kwemini ngoMgqibelo.
Abafana Bes’thende bavule ngenqaku likaNduduzo Sibiya ngomzuzu wamashumi amabini anesibhozo.
Emva kwamalinge aliqela, iNatal Rich Boyz ilinganise ngenqaku elifakwe nguSomila Ntsundwana kwimizuzu emine ngaphambi kokuhlaba ikhefu.
Inqaku elifakwe ngu-Olwethu Ncube ngomzuzu wamashumi asixhenxe anesine liqinisekise ukuba Abafana Bes’thende baphumelele umdlalo wesibini kususela uKomphela ebuyele kweliqela.
Kusenjalo, Stellenbosch FC, ebingenalusini, ibhulele amasaka iRoyal AM iyibetha ngamanqaku amathathu eqandeni eDanie Craven Stadium kwiCape Winelands.
UDevin Titus ufake inqaku lokuqala, waze uSiphesihle Msomi wahlaba ekhaya ngaphambi kokuba u-Iqraam Rayners afake inqaku lesithathu.
Ezinye iziphumo:
Cape Town City 0 Kaizer Chiefs 0
Polokwane City 1 Chippa United 0
