Inkwenkwezi eqaqambileyo yakwaZulu-Natal, uMxolisi Zuma, uthe gqolo nokuphumelela njengokuba ethabathe umzuzu nemizuzwana engamashumi amane anesithandathu ukunqumamisa uShedafa John waseTanzania ngoMgqibelo ebusuku.
Ngenxa yokokuba ephumelele lomlo obubanjelwe kwiholo yedolophu yase-Estcourt, uZuma uye waphumelela intshinga yeWorld Boxing Federation (WBF) Intercontinental kudidi lwejunior-featherweight.
Lenzalelwane yaseNanda, esele izinze eDundee, inerekhodi elihle kakhulu njengokuba izinqumamise zosixhenxe iimbethi-manqindi ezilwe nayo.
Ukanti, uLindelani Sibisi unqumamise u-Iddi Mustafa Ally Said waseTanzania kumjikelo wokuqala kumlo wentshinga ebingenamntu yeWBF Intercontinental kudidi losiba kwakuletumente enye.
Kusenjalo, uNkosingiphile Sibisi yintshatsheli entsha yoMzantsi Afrika kudidi lwempukane emva kokubetha uTrevor Nghonyama ngamanqaku.
