Injinga yoMzantsi Afrika kudidi lwempukane kwicandelo labasetyhini uSimangele ‘Smash’ Hadebe uzakubuyela eqongeni njengokuba ezakulwa noGabriela ‘La Bonita’ Sanchez Saavedra waseMexico kulenyanga ezayo.
UHadebe uzakulwa noSanchez kumlo wentshinga engenamntu kwi-International Boxing Federation (IBF) Intercontinental kudidi lwempukane eRhawutini ngoLwesihlanu umhla wamashumi amabini anesine.
UHadebe, owaphumelela imbasa ye-2023 Female Boxer of the Year kumsitho weSouth African Boxing Awards, akakalwi kususela mhla wabetha uPhannaluk Kongsang waseThailand ngamanqaku eRhawutini ngoMeyi wonyaka ophelileyo.
Kusenjalo, uSanchez, oyintshatsheli yeWorld Boxing Council (WBC) Silver, wakhe wazama ukuphumelela intshinga yeWorld Boxing Association (WBA) kudidi lwejunior-flyweight neyeWBC kudidi lwempukane.
