UNtethelelo Nkosi uzakukhusela intshinga yakhe yoMzantsi Afrika kudidi lwejunior-welterweight xa equbisana noSanele Msimang kumlo othelekisa iimbethi-manqindi zaKwaZulu-Natal.
UNkosi, oqeqeshwa nguDamien Durandt eRhawutini, uzakungquzulana noMsimang kwilinge lokukhusela intshinga yakhe okokuqala ngempumelelo ngoJuni.
“Ewe, uzakukhusela kuSanele. Sele ndithethile nomthelekisi kaSanele, sixoxile ngalomlo. Lomlo uzakuba ngasekupheleni kukaJuni,” utshilo uDurandt.
UNkosi waphumelela lentshinga yoMzantsi Afrika ngethuba enqumamisa uPrince Dlomo kumjikelo wethoba ngoNovemba kulonyaka ophelileyo. UDlomo waseMgungundlovu wayezama ukukhusela lentshinga ngempumelelo isihlandlo sesihlanu.
