Iqela lesizwe laseColombia labangaphantsi kweminyaka elishumi elinesixhenxe lize ngemva labetha Amajimbos oMzantsi Afrika ngamanqaku amabini kwelinye kumdlalo wobuhlobo ePalmira ngentseni yangoLwesine, ngokwexesha loMzantsi Afrika.
UTomás Martínez, odlala kwiTigres kwelase-Argentina, ufake amanqaku amabini, logama eloMzantsi Afrika lifakwe nguNeo Bohloko weKaizer Chiefs.
Iqela loMzantsi Afrika ligqibe umdlalo linabadlali abalishumi emva kokuba uSive Pama weCape Town City efumene ikhadi elibomvu.
Kusenjalo, lomdlalo ulandela emva kokuba Amajimbos ebebambene noontanga bawo ngamanqaku amabini macala ebutsheni beveki.
