Sele iyiminyaka engaphaya kwemihlanu kususela mhla uThulani ‘Evolution’ Mbenge waphulukana nentshinga ye-International Boxing Organisation (IBO) kudidi lwewelterweight, kwaye ngoku ufumana ithuba lokuyibuyisa njengokuba ezakulwa noMichael McKinson wase-United Kingdom kulenyanga ezayo.
Lenzalelwane yaseMpuma Koloni, eqeqeshwa nguSean Smith eRhawutini, noMcKinson bazakulwela eCopper Box Arena, eLondon, ngoMgqibelo umhla weshumi elinethoba ku-Okthobha.
UMbenge, obeyinjinga yoMzantsi Afrika izihlandlo ezimbini kudidi lwewelterweight, waphulukana nentshinga ye-IBO ngethuba ebethwa yimbethi-manqindi yaseJamani uSebastia Formella kwelaseJamani ngoJulayi 2019. Kwaye sele ephumelele imilo emihlanu, wabethwa komnye emva kokubethwa nguFormella.
Kusenjalo, uMcKinson osuka ePortsmouth, e-UK, ayingomntu onamandla kangako, kwaye irekhodi lakhe lokuphumelela imilo engamashumi amabini anesithandathu enqumamise amadoda amane, ebethwe kanye, lintama kanye lonto.
Ukanti, uMckinson, oneminyaka engamashumi amathathu, uqeqeshwa nguyise uMichael Ballingall.
