Athengwe aphela onke amatikiti omdlalo wangoMgqibelo emva kwemini phakathi kweChippa United neKaizer Chiefs eBuffalo City Stadium, eMonti.
Isaziso sokokuba athengwe aphela amatikiti sikhutshwe ziiChilli Boys kusasa ngoMgqibelo, iiyure ezingaphaya kwezintandathu ngaphambi kokuqala komdlalo.
Lo ngumdlalo wesithathu ukususela ngoFebruwari kulonyaka iiChilli Boys ziwudlalela kwelibala laseMonti. IiChilli Boys zabambana ngenqaku macala omabini neCape Town City ngoFebruwari, zaze zabetha iqela elikudidi lwabangahlawulwayo iFC Ravens ngamanqaku amabini kwelinye kumdlalo weNedbank Cup kulenyanga ephelileyo.
