IChippa United ibethe iKaizer Chiefs ngamanqaku amabini eqandeni kumdlalo weDStv Premiership eBuffalo City Stadium, eMonti, emva kwemini ngoMgqibelo.
IiChilli Boys ziphale phambili ngomzuzu wamashumi amabini ananye ngethuba intloko kaBienvenu Eva Nga ibethe ibhola yadlula kunozinti wAmakhosi uBruce Bvuma.
Eliqela laseGqeberha lifake inqaku lalo lesibini ngento entle kaSinoxolo Kwayiba. Linqaku lesibini likaKwayiba kwimidlalo emibini elandelelanayo.
Kusenjalo, izandyondyo zemvula ezintlithe iMonti ukususela ngoLwesihlanu azikhange zibophule umoya abalandeli bebhola ekhatywayo abafike ngobuninzi babo kwelibala laseMonti.
