Ibilihlazo elingenakuphikiswa njengokuba i-Orlando Pirates itywatyushe iLamontville Golden Arrows ngamanqaku asixhenxe kwelinye kumdlalo weDStv Premiership e-Orlando Stadium, eSoweto, ngokuhlwa kwangoMgqibelo.
UTshegofatso Mabasa ungcangcazelise umnatha kathathu, aze amanye amanqaku afakwa nguRelebohile Mofokeng, uKabelo Dlamini, uSandile Mthethwa noKarrim Kimvuidi, logama uLungelo Nguse efake inqaku le-Arrows.
Ngenxa yokokuba iphumelele lomdlalo, iBuccaneers ingene kwindawo yesithathu kumanqwanqwa ePremiership, logama i-Arrows yehlele kwindawo yethoba.
