Usihlalo weChippa United, uSiviwe ‘Chippa’ Mpengesi, usichazile isizathu esakhokelela ekubeni iiChilli Boys ziqeshe uKwanele Kopo noThabo September njengabaqeqeshi kweliqela.
UKopo noSeptember sele bekhokelele iiChilli Boys kwimidlalo emihlanu zingekabethwa eMonti naseGqeberha. IiChilli Boys zifake amanqaku asixhenxe kwimidlalo yazo emithathu yokugqibela ekhaya.
“Njengokuba usazi ukuba nobabini abaqeqeshi banezisekelo eziluqilima. Baphuma kwiqela elaziwayo ekuveliseni nasekuphuhliseni abadlali abaselula,” utshilo uMpengesi ebhekisa kuKopo noSeptember, abaqala ukuqeqesha kwiSuperSport United.
“Bebengenawo amava okusebenza kudidi lwabahlawulwayo, yiyo lonto sacinga ukuba kuhle sibadibanise kulomsebenzi. Sikholelwa ukuba ababaqeqeshi babini baseza kusibonisa izinto ezintle. Sikholelwa ukuba bazawaguqula amathuba eChippa United. Kwaye bayakholelwa kubadlali abaselula.”
UKopo noSeptember bathabathe eliqela laseMpuma Koloni balifaka kumaqela asibhozo okugqibela kwiNedbak Cup. IiChilli Boys zizakudlala neTS Galaxy kumdlalo wamaqela asibhozo okuggqibela NgeCawa.
