IStellenbosch FC singenile kumaqela amane okugqibela kwiNedbank Cup ngokohlwaya iSuperSport United ngamanqaku amane eqandeni eDanie Craven Stadium kwiCape Winelands emva kwemini ngoMgqibelo.
IStellies sifake inqaku laso lokuqala ngomzuzu wesixhenxe ngethuba u-Anicet Oura ebeka ibhola ngaphaya konozinti weMatsatsantsa a Pitori uRicardo Goss.
Inqaku lesibini leStellies lifakwe nguDevin Titus ngomzuzu omnye siqalile isiqingatha sesibini. Kwimizuzu emithandathu emva koko, u-Andre de Jong ufake elesithathu, waze u-Iqraam Rayners wafaka elesine ngomzuzu wamashumi amathandathu ananye.
