IKaizer Chiefs izakudlala neqela laseTanzania iYoung Africans kwiToyota Cup eFree State Stadium, eBloemfontein, ngoMgqibelo umhla wamashumi amabini anesibhozo kuJulayi.
Lo, izakuba ngumdlalo wokuqala womqeqeshi omtsha weChiefs uNasredinne Nabi osandula ukuzimanya neliqela elizinze eNaturena.
Lommi waseTunisia, oneminyaka engamashumi amahlanu anesibhozo, uqinisekiswe njengomqeqeshi weChiefs ngokuhlwa kwangeCawa kwelaseTurkiye.
