Izakubaluleka kakhulu impumelelo kumlo wakhe olandelayo njengokuba uSikho ‘Sequence’ Nqothole esilwa noJafet Amukwa waseNamibia kwilinge lokubekwa kwindawo entle kuluhlu lwemibutho yamanqindi emine nephambili ehlabathini.
UNqothole, oyinzalelwane yaseMthatha, ulwa no-Amukwa kwitumente yeBoxing 5 Promotions eBox Camp Booysens, eRhawutini, ngoLwesihlanu umhla wamashumi amabini kuSeptemba.
Uhambo lukaNqothole lwabethakala ngethuba ebethwa nguRene Calixto Bibiano waseMexico kwisithuba esingaphaya kweenyanga ezintathu.
“Ndawuphumelela lamlo, qha ke ndandisilwela ekhayeni lakhe,” utshilo uNqothole ebhekisa kumlo wakhe noCalixto.
Okwangoku, uNqothole ubekwa kwindawo yeshumi elinesixhenxe kwiWorld Boxing Council (WBC), kwindawo yeshumi elinambini kumanqwanqwa e-International Boxing Federation (IBF) nakwindawo yeshumi elineshlanu kwiWorld Boxing Organisation (WBO). – Monwabisi Jimlongo
