Uswelekile owayengumqeqeshi weMamelodi Sundowns uJohan Neeskens, itshilo iRoyal Dutch Football Association (KNVB).
UNeeskens, obhubhe ngeCawa eneminyaka engamashumi asixhenxe anesithathu, wagxothwa yiSundowns, yaze yaqesha uPitso Mosimane ngoDisemba 2012, ngenxa yeziphumo ezazingancumisi.
UNeeskens wayebonwa njengomnye wabadlali basesiswini abaphambili, kwaye waphumelela iindebe eziliqela ngethuba edlalela i-Ajax Amsterdam neBarcelona.
Udlale kwiqela lesizwe laseHolani izihlandlo ezingamashumi amane anethoba. Wayekwiqela laseHolani elafikelela kwimidlalo yamagqibela kankqoyi yeNdebe yeHlabathi ngo-1974 nango-1978.
Wabalisekela-mqeqeshi kwiqela lesizwe laseHolani ukususela ngo-1995 ukuyokuthi ga ngo-2000.
