Umdlali wasesiswini kwiChippa United uSinoxolo Kwayiba ubizelwe kwinkampu yeBafana Bafana elungiselela umdlalo wangoLwesihlanu neCongo eNelson Mandela Bay Stadium eGqeberha.
UKwayiba, oneminyaka engamashumi amabini anesine, ungene kwindawo kaJayden Adams, ongakhange afike kwinkampu yeBafana emva kokuba iqela lakhe iStellenbosch FC ibethwe ngamanqaku amathathu kwelinye yi-Orlando Pirates kumdlalo wamagqibela kankqoyi eMTN8 eThekwini ngokuhlwa kwangoMgqibelo.
“Ukuziphatha kukaJayden kundinyanzelise ukuba ndimkhuphele ngaphandle kweliqela,” uphefumle watsho umqeqeshi weBafana uHugo Broos.
Ngakwelinye icala, umdlali weMamelodi Sundowns uBathusi Aubaas uthabathe indawo kaThalente Mbatha we-Orlando Pirates. UMbatha urhoxile kwiBafana emva kokonzakala.
