IMamelodi Sundowns ibuyele encochoyini yamanqwanqwa eBetway Premiership emva kokubetha iRoyal AM ngamanqaku amabini kwelinye eLoftus Versfeld, ePitoli, ngokuhlwa kwangoLwesithathu.
Izangxa zaseTshwane zibonakalise zisuka ukuba zifuna ukuwuphumelela lomdlalo njengokuba uSphelele Mkhulise efake inqaku lokuqala ngomzuzu wesithandathu. UKhuliso Mudau ufake inqaku lesibini xa bekushiyeke imizuzu emihlanu uphele umdlalo.
IThwihli Thwahla, engekaphumeleli, izilwele yaze yafumana inqaku elifakwe nguSbangani Zulu ekuzeni kuphela komdlalo.
Kusenjalo, iStellenbosch FC ibethe Chippa United ngamanqaku amabini komnye umdlalo weBetway Premiership eNelson Mandela Bay Stadium, eGqeberha.
Amanqaku eStellies afakwe ngu-Ashley Cupido ngomzuzu wamashumi amathathu ananye, laze elinte lafakwa nguDevin Titus kwimizuzu emibini ngaphambi kokuhlaba ikhefu.
