IBanyana Banyana ibonakalise ukungabinalusini ngethuba iquthisa iSeychelles ngamanqaku asibhozo kwelinye kumdlalo weCOSAFA Women’s Championship eMadibaz Stadium, eGqeberha, emva kwemini ngoMvulo.
IBanyana iphale phambili ngamanqaku amahlanu eqandeni ekupheleni kwesiqingatha sokuqala. UKesha Hendricks ufake amanqaku amabini, amanye afakwe nguNtando Phahla, uTshegofatso Motlogelwa noSinamile Mkhwanazi.
Iqela lomqeqeshi uMaud Khumalo longeze amanqaku amathathu kusekutsha kwisiqingatha sesibini efakwa nguHendricks, u-Ayesha Moosa noMkhwanazi, logama uPascalina Moustache efake inqaku leSeychelles.
