Iphinde yaphumelela kwakhona iMamelodi Sundowns emva kokubetha iStellenbosch FC ngenqaku elinye eqandeni kumdlalo weBetway Premiership eCape Town Stadium ngokuhlwa kwangoLwesithathu.
Inqaku lalomdlalo lifakwe yifolosi yezangxa zaseTshwane u-Iqraam Rayners, owayesakudlalela iStellies, ngomzuzu weshumi elinesibhozo umdlalo uqalile.
URayners, oneminyaka engamashumi amabini anesibhozo, sele efake amanqaku alishumi elinambini kususela mhla wazibandakanya neeBrazilians esuka kwiStellies ekuqaleni kwesizini.
Ibisisihlandlo sesihlanu iStellies sidlala neeBrazilians njengokuba iSundowns iphumelele imidlalo emithathu, laze iqela laseCape Winelands laphumelela kwemibini.
